«Оқитын ұлт» республикалық жобасын іске асыру аясында «Бірінші қалалық жалпы білім беретін IT-лицей» КММ-де облыстық кітапхана өкілдері оқушылар мен педагогтер арасында Республикалық оқу марафонын өткізуге арналған ақпараттық-түсіндіру жұмысын жүргізді.

Еңбек апталығы аясында лицейде «Менің арманымдағы мамандық» атты фотокөрме-таныстырылым өтті, оған 2-сынып лицеистері қатысты. Балалар өздерін түрлі мамандық иелерінің бейнесінде көрсетті: дәрігер, ғалым, ұшқыш, спортшы, суретші, құтқарушы және басқа да мамандар. Көрме балаларға қиялын ұштауға, армандары туралы айтуға және болашақ мамандығы туралы ойлануға көмектесті.

Біздің лицеистеріміз Дарья Чован мен Данир Мусинді облыстық студенттік дебат турнирінің финалына шығуымен, Лида Жигалова мен Дина Пятковты қола кубокпен құттықтаймыз 🎉 Айзере Молжигитованы орыс лигасының бас төрешісі ретіндегі алғашқы тәжірибесімен құттықтаймыз!

Инновациялық мектептерге арналған «Жоғары лига» облыстық олимпиадасының жеңімпаздары мен жүлдегерлерін, сондай-ақ олардың тәлімгерлерін құттықтаймыз!!!

Данир Мусин мен Ансар Бакировтан құралған «Беркут» командасын алғашқы әскери дайындықтан (АӘД) облыстық олимпиадада Гран-при жеңіп алуымен құттықтаймыз!!!

«АДАЛ АЗАМАТ» тәрбие бағдарламасын іске асыру аясында әлеуметтік педагог С.Е. Касымова 10 «А» сынып оқушылары арасында «Заң және еңбек: өмір жолындағы жауапкершілік» тақырыбында интерактивті ойын өткізді. Ойын барысында оқушылар жұмысқа орналасу, мамандық таңдау, жалақы, кәмелетке толмағандардың еңбек құқықтары мен міндеттеріне байланысты түрлі өмірлік жағдаяттарды қарастырды.